New Post
സ്വിച്ച് ഓഫ്
ശ്രീനാഥ്.കെ.വി.
ജി എച്ച് എസ് എസ് മാത്തില്
ടൌണിലൂടെ നടക്കുമ്പോള് ഒരു കാഴ്ച കണ്ടു. റോഡരികില് ഒരാള്ക്കൂട്ടം. കാര്യമറിയാനുള്ളതിടുക്കത്തില് വേഗം അങ്ങോട്ടുചെന്നു. ഒരു പയ്യന് ചോരയില്ക്കുളിച്ച് പിടയുന്നു. അവന്റെ അരികിലായി തകര്ന്ന ഒരു ബൈക്കും കണ്ടു. ചുറ്റലും പൊതിഞ്ഞ ആളുകളെല്ലാം മൊബൈലില് ദൃശ്യം പകര്ത്തുന്നു. ഉടനെ ഞാന് എന്റെ പോലീസ് സുഹൃത്തിന്റെ മൊബൈലിലേക്കു വിളിച്ചുപറഞ്ഞു. "ഹലോ നീ ഉടനെ ടൌണ്വരെ ഒന്നു വരണം. ഇവിടെ ഒരു പയ്യന് ആക്സിഡന്റില് പെട്ടിരിക്കുകയാണ്". ഇത്രയും പറഞ്ഞ് ഞാന് ഫോണ് കട്ടുചെയ്തു.
ആ പയ്യനെ എങ്ങനെയെങ്കിലും ഹോസ്പിറ്റലില് എത്തിക്കാന് വേണ്ടി ഞാന് പല വണ്ടിക്കും കൈകാണിച്ചു. എന്നാല് ഒരാളും വണ്ടി നിര്ത്തിയില്ല.
അവനെ രക്ഷിക്കാനുള്ള വെപ്രാളംകൊണ്ട് രണ്ട് മിനിട്ടിനുശേഷം ഞാന് പോലീസ് സുഹൃത്തിനെ വീണ്ടും വിളിച്ചപ്പോള് കേട്ടു. "താങ്കള് വിളിക്കുന്നയാള് സ്വിച്ച് ഓഫ് ചെയ്തിരിക്കുകയാണ്. ദയവായി അല്പസമയത്തിനുശേഷം ശ്രമിക്കൂ".